ہمارے بارے میں

جناب سلیم رضا نے 2017میں HBL بورڈ میں شمولیت اختیار کی۔ وہ بینکاری اور مالیاتی شعبے میں 40 سال سے زائدکا تجربہ رکھتے ہیں۔ وہ نہ صرف پاکستان اور بیرونِ ملک سٹی بینک میں اہم عہدوں پر فائز رہے بلکہ اسٹیٹ بینک آف پاکستان کے گورنر بھی رہ چکے ہیں۔ اس وقت وہ متعدد اداروں کے بورڈز میں خدمات انجام دے رہے ہیں جن میں کرنداز پاکستان، منزل پاکستان، انڈس ارتھ ٹرسٹ، حبیب یونیورسٹی، لیٹن رحمٰت اللہ بینیوولنٹ ٹرسٹ، پلانٹ این گروپ آ ف کمپنیز، نصرہ پبلک سکول شامل ہیں، جبکہ IBA کراچی میں پولیٹیکل اکانومی کے وزیٹنگ پروفیسر کے طور پر بھی اپنی خدمات فراہم کر رہے ہیں۔

جناب ظفر اے خان نے مکینیکل انجینئرنگ میں تعلیم حاصل کرنے کے بعد اپنے کیریئر کا آغاز ایکسن سے کیا، جو بعد میں اینگرو کے نام سے متعارف کروائی گئی۔ انہوں نے اینگرو میں 35 سال خدمات سر انجام دیں، جن میں آخری 6 سال وہ سی ای او کے عہدے پر فائز رہے۔ ایکسن میں کام کے دوران وہ ہانگ کانگ، امریکا اور سنگاپور میں پیٹروکیمیکل ڈویژن میں ایک دہائی تک مختلف اسائینمینٹس پر اپنی خدمات پیش کرتے رہے۔

ریٹائرمنٹ کے بعد وہ پی ٹی سی ایل، کراچی اسٹاک ایکسچینج اور پی آئی اے کے چیئرمین رہے۔ اس وقت وہ HBL میں اضافی پروفیسر کے طور پر ہیومن ریسورس مینجمنٹ پڑھا رہے ہیں۔

انہوں نے یونیورسٹی آف ہوائی سے ایڈوانسڈ مینجمنٹ پروگرام مکمل کیا اور ہارورڈ بزنس سکول اور INSEAD سے بھی مختلف کورسز کیے۔

جناب ظفر اے خان نے نجی، سرکاری اور سماجی شعبے کے متعدد اداروں کے بورڈز میں خدمات انجام دی ہیں۔ وہ شیل پاکستان بورڈ کے تین مرتبہ رکن رہے۔ اِس وقت وہ سیکیورٹی پرنٹنگ کارپوریشن آف پاکستان، بینظیر انکم سپورٹ پروگرام، ڈیٹا چیک لمیٹڈ، ایکیومن پاکستان اور پاکستان سینٹر فار فِلانتھراپی کے بورڈ ممبر کے طور پر اپنی خدمات سر انجام دے رہے ہیں۔

انہیں حکومتِ پاکستان کی جانب سے ستارہ امتیاز سے بھی نوازا گیا ہے۔

اقرار احمد خان، یونیورسٹی آف ایگری کلچر فیصل آباد اور یونیورسٹی آف کیلیفورنیا ریور سائیڈ (امریکہ) سے فارغ التحصیل ہیں۔ وہ ممتاز نیشنل پروفیسر اور 2008 سے یونیورسٹی آف ایگری کلچر فیصل آباد کے وائس چانسلر کے طور پر خدمات انجام دے رہے ہیں۔ وہ نیوکلئیر انسٹیٹیوٹ فار ایگری کلچر اینڈ بائیولوجی کے ڈائریکٹر/ڈی جی اور یو ایس-پاکستان سینٹر فار ایڈوانسڈ اسٹڈیز ان ایگری کلچر اینڈ فوڈ سیکیورٹی کے چیف آف پارٹی بھی رہ چکے ہیں۔

انہوں نے 100 سے زائد ایم ایس/پی ایچ ڈی طلبہ کی نگرانی کی، 40 تحقیقی منصوبے حاصل کیے، 150 ریفریڈ تحقیقی مضامین شائع کیے، 50 کتب اور کانفرنس پروسیڈنگز کی تدوین کی، 13 نئی فصلوں کی اقسام متعارف کروائیں، اور کئی نئے ادارے، سب کیمپسز اور مراکز قائم کیے۔ وہ پنجاب ایگریکلچر پالیسی 2016 اور اسٹریٹجک ایگریکلچر ڈیولپمنٹ پلان 2024 کے معمار ہیں، اور انہوں نے ایف اے او کے تعاون سے پنجاب کے ایگرو ایکولوجیکل زونز تیار کیے جو 2019 میں شائع ہوئے۔

ان کا تعلیمی و تحقیقی کام پسماندہ طبقات اور خواتین کے لیے فائدہ مند ثابت ہوا ہے۔ وہ پاکستان اکیڈمی آف سائنسز کے فیلو، ہلالِ امتیاز، ستارہ امتیاز اور فرانسیسی حکومت کے سول ایوارڈ (آرڈر دی پالمز اکیڈیمیک، گریڈ: آفیسر) کے حامل ہیں۔ اس وقت وہ HEC کی وائس چانسلرز کمیٹی کے چیئرمین، پلاننگ کمیشن آف پاکستان کے مشاورتی بورڈ کے رکن اور وزیر اعظم کی جانب سے چار سال کے لیے ہائر ایجوکیشن کمیشن کے رکن بھی مقرر کیے گئے ہیں۔

جناب محمد ناصر سلیم نے مارچ 2024 میں HBL کے صدر اور چیف ایگزیکٹو آفیسر کا عہدہ سنبھالا۔

وہ ایک تجربہ کار بینکر ہیں جنہیں بین الاقوامی اور ملکی بینکاری میں 36 سالہ وسیع تجربہ حاصل ہے۔ وہ امریکہ، ابوظہبی اور پاکستان میں امریکن ایکسپریس بینک، سٹی گروپ، اور ابوظہبی اسلامک بینک جیسے اداروں کے ساتھ کام کر چکے ہیں۔ جناب محمد ناصرسلیم  2017 سے HBL سے وابستہ ہیں۔ انہوں نے ہیڈ گلوبل آپریشنز کے طور پر شمولیت اختیار کی، اور ان کی کارکردگی کی بنیاد پر انہیں ہیڈ برانچ اور اسلامک بینکنگ کا منصب سونپا گیا۔ صدر و سی ای او بننے سے قبل وہ HBL میں چیف آپریٹنگ آفیسر کے طور پر خدمات انجام دے رہے تھے۔

انہوں نے سینٹرل ڈپازٹری کمپنی آف پاکستان لمیٹڈ کے ڈائریکٹر اور HBL کرنسی ایکسچینج کے بورڈ کے چیئرمین جیسے اہم عہدوں پر بھی خدمات انجام دی ہیں، جو پاکستان کی مالیاتی صنعت میں ان کے فعال کردار کی عکاسی کرتا ہے۔

 جناب ناصرسلیم نے انسٹیٹیوٹ آف بزنس ایڈمنسٹریشن (IBA)کراچی سے فنانس میں ایم بی اے کیا، جہاں انہیں نمایاں تعلیمی کارکردگی پر فنانس گولڈ میڈل سے نوازا گیا۔ وہ انسٹیٹیوٹ آف بینکرز پاکستان (IBP)  کے فیلو بھی ہیں۔

جناب عامر عزیز، HBL زرعی سروسز لمیٹڈ کے چیف ایگزیکٹو آفیسر کی حیثیت سے اپنی خدمات سر انجام دے رہے ہیں۔ انہیں بینکاری، مالیات اور ریگولیٹری معاملات میں تین دہائیوں سے زائد کا تجربہ حاصل ہے۔ اسٹیٹ بینک آف پاکستان اور نیشنل انسٹیٹیوٹ آف بینکنگ اینڈ فنانس جیسے معتبر اداروں میں اہم عہدوں پر فائز رہ چکے ہیں۔انہوں نے 1992 میں انسٹیٹیوٹ آف چارٹرڈ اکاؤنٹنٹس آف پاکستان سے چارٹرڈ اکاؤنٹنٹ کی ڈگری حاصل کی۔

اُن کے پروفیشنل کیرئیرکے نمایاں پہلوؤں میں : 

HBL زرعی سروسز لمیٹڈ کے سی ای او،اسٹیٹ بینک آف پاکستان میں مینیجنگ ڈائریکٹر اور ایگزیکٹو ڈائریکٹر جیسے اعلیٰ عہدوں پر خدمات

اورفارنزک اکاؤنٹنگ کے شعبے میں نمایاں خدمات پر 2003 میں تمغہ امتیاز شامل ہیں۔

جناب عامر عزیز کی قائدانہ صلاحیت اور فنی مہارت، HBL زرعی سروسز لمیٹڈ کی ترقی اور کامیابی میں اہم کردار ادا کر رہی ہے۔

جناب کاظمی ایک تجربہ کار چارٹرڈ اکاؤنٹنٹ ہیں جنہیں 35 سال سے زائد کا وسیع پیشہ ورانہ تجربہ حاصل ہے۔ انہوں نے قومی و علاقائی معیشتوں میں مختلف شعبوں اور عملی دائرہ کار میں کام کیا ہے۔ ان کی مہارت کے اہم شعبوں میں مالیاتی پالیسی، معاشی تحقیق، نئے اور جاری منصوبے، اسٹریٹجک شراکت داریاں، مرجرز و اکوژیشن، اکاؤنٹنگ کے پیچیدہ معاملات، اعلیٰ سطح کی آڈٹ و ٹیکس مشاورت، اور پالیسی اصلاحات شامل ہیں۔

وہ HBL زرعی سروسز لمیٹڈ سمیت پاکستان کی متعدد نمایاں کمپنیوں کے بورڈز کا حصہ ہیں، جن میں فوجی فرٹیلائزر، عسکری بینک، ایف ایف سی انرجی، فوجی سیمنٹ، ماری پٹرولیم، اور فوجی فوڈز شامل ہیں۔

جناب کاظمی نے کے پی ایم جی میں 35 سال خدمات انجام دیں جہاں انہوں نے مختلف صنعتوں کے رہنماؤں سے براہِ راست رابطے میں رہ کر بزنس وژن اور حکمتِ عملی کو گہرائی سے سمجھا۔ انہوں نے اپنے کثیرالجہتی تجربے کی بنیاد پر اپنے کلائنٹس کے لیے قابلِ قدر اسٹریٹجک حل فراہم کیے۔ انہوں نے سروس ڈیلیوری فریم ورک کو کامیابی سے نافذ کیا جو کلائنٹس کے لیے معیاری خدمات کی فراہمی کو یقینی بناتا ہے۔

ایک مشیر اور آڈیٹر کے طور پر، جناب کاظمی نے اعتماد اور معیار پر مبنی خدمات فراہم کیں اور ساتھ ہی معاشی تحقیق اور پالیسی سازی میں بھی اہم کردار ادا کیا۔ وہ مختلف نجی، سرکاری اور سماجی اداروں کے بورڈز کاحصہ بھی رہ چکے ہیں۔ وہ قومی معیشت، کاروبار اور ٹیکسیشن جیسے اہم موضوعات پر مضامین بھی تحریر کرتے ہیں جو معتبر اخبارات میں شائع ہوتے ہیں۔

اس وقت وہ HBL زرعی سروسز لمیٹڈ میں آڈٹ اور اسٹریٹجی و انویسٹمنٹ کمیٹیوں کے رکن کے طور پر اپنی خدمات سر انجام دے رہے ہیں۔

جناب عامرقریشی HBL ایگزیکٹو کمیٹی (ExCo) کے رکن ہیں، جہاں وہ کنزیومر، زراعت اور SME بینکنگ کے شعبوں کی ذمہ داریاں نبھاتے ہیں۔ انہیں بینکنگ اور رسک مینجمنٹ کے شعبے میں 30 سال سے زائد کا بین الاقوامی تجربہ حاصل ہے۔

انہوں نے اپنے کیریئر کا آغاز بینک آف امریکہ، سان فرانسسکو سے کیا اور بعد ازاں سٹی گروپ اور اسٹینڈرڈ چارٹرڈ لندن، تھائی لینڈ اور پاکستان میں مختلف سینئر رسک اور کنزیومر بینکنگ کے عہدوں پر خدمات انجام دیں۔

جناب عامرقریشی نے اکنامکس میں گریجویشن پیپرڈائن یونیورسٹی، کیلیفورنیا (USA) سے جبکہ MBA انسٹیٹیوٹ آف بزنس ایڈمنسٹریشن (IBA) ، پاکستان سے کیا۔

جناب جمال ناصر HBL، پاکستان میں چیف ہیومن ریسورسز آفیسر کے عہدہ پر فائز ہیں۔ انہیں اپنے شعبے میں 35 سال سے زائد کا قومی اور بین الاقوامی تجربہ حاصل ہے۔

وہ ایکسن کیمیکل، ABN AMRO، اسٹینڈرڈ چارٹرڈ اور یونائیٹڈ بینک لمیٹڈ جیسے اداروں میں بھی کام کر چکے ہیں۔

جناب جمال ناصر اس وقت پاکستان سوسائٹی آف ہیومن ریسورس مینجمنٹ کے صدر، پاکستان سوسائٹی فار ٹریننگ اینڈ ڈویلپمنٹ کے بورڈ آف گورنرز کے رکن ہونے کے ساتھ بطور ٹرسٹی HBL فاؤنڈیشن اپنی خدمات سر انجام دے رہے ہیں۔ انہوں نے یونیورسٹی آف ٹیکساس، آسٹن سے الیکٹریکل انجینئرنگ میں بی ایس اور آئی بی اے کراچی سے MBA کی ڈگری حاصل کی ہوئی ہے۔